|
|
- चोरी नगरिँदाका चारवटा फल
• धन सम्पत्ति पूर्ण हुनेछ ।
• भएको धन सम्पत्ति स्थिर हुनेछ ।
• इच्छा गरेको वस्तु सजिलैसित प्राप्त गर्न सकिनेछ ।
• राजा, पानी, आगो, चोर र शत्रुहरुबाट केही गर्न नसकिने रुपबाट धन प्राप्त भइरहनेछ । |
- व्याभिचार नगरिँदाका सातवटा फल
• शत्रु भनेकै नभई सबैसंग हेलमेल हुनेछ ।
• सुखपूर्वक सुत्न सक्नेछ ।
• सुखपूर्वक उठ्न सक्नेछ ।
• स्त्रीभाव र नपुंसकभाव हुनबाट बच्नेछ ।
• चारवटा दुर्गतिबाट बच्नेछ ।
• इज्जत हुने गरी स्त्री-पुरुषका परस्परमा प्रेम भइरहनेछ ।
• धन्दा सुर्ता नभई सुखपूर्वक बस्न सक्नेछ । |
- झुठ कुरा नबोलिँदाका पाँच फल
• विशेषरुपले आँखा आदि इन्द्रिय सुन्दर हुनेछन् ।
• तल माथि नपरी क्रमबद्ध मिलेका दाँत हुनेछन् ।
• दुब्लो मोटो नभई ठिक्कको शरीर हुनेछ ।
• कमलको फूल झैँ सुगन्धित वास्ना आउने मुख हुनेछ ।
• नोकर चाकर र परिवारहरुले उसको कुरा सुन्नेछन् । |
- सुरापान नगरिँदाका नौवटा फल
• गर्नुपर्ने काम सबै विस्मृत नभई सजिलै नै याद हुनेछ ।
• अलसी हुँदैन ।
• लाटो र गोंजेंग्रो हुनेछैन ।
• ज्ञान बुद्धि भएको हुनेछ ।
• ईर्ष्या गर्नेबाट रहित हुनेछ ।
• बेहोश हुँदैन ।
• शान्त स्वभावको हुनेछ ।
• नराम्रो काममा लाग्न लज्जा भय हुनेछ ।
• इज्जत हुने कुरामात्र गर्ने बानी भएको हुनेछ । |
|
|
- प्राणी हिंसा गर्दाका उन्नाइसवटा विपाक
• मरणपछि नरक, प्रेत, तिर्यक र अपाय चारवटा दुर्गतिमध्ये एउटामा परी अति नै दु:ख कष्ट भोग गर्नुपर्नेछ ।
• नरकबाट मुक्त भएर मनुष्य जन्म लिन पाए पनि अङ्ग-प्रत्यङ्गहीन भई जन्म लिनुपर्नेछ ।
• सुन्दर रुप नभई विरुप भई जन्म लिनुपर्नेछ ।
• हात, खुट्टा टेढो भई दुर्बल भई जन्म लिनुपर्छ ।
• खुट्टाको औंलाको टुप्पामा कुष्ठरोग सहित जन्म लिनुपर्नेछ ।
• जसजसले देख्छ-त्यसत्यसले प्रत्येक देखाइमा रीसले देख्नेछ ।
• नरम शान्त स्वभाव भन्ने हुँदैन ।
• रुप लक्षणको नभएर अलक्षणको हुनेछ ।
• सभाको बीचमा शूरु नभएर काथर हुनेछ ।
• बोल्ने बेला स्पष्ट कुरा गर्ना नसक्नाले थुप्रै मान्छेले गिज्याउनेछन् ।
• बल शक्तिहीन हुनेछ ।
• लाटाले जस्तो कुरा गर्नेछ ।
• दाजु-भाई, इष्ट-मित्र परिवारहरु नाश भई एक्लो दु:खी जीवन बिताउनुपर्नेछ ।
• आफूलाई फाइदा हुने काम खोज्न जाँडा अलसी लाग्नेछ ।
• दु:खपूर्वक धनधान्य अन्न अलिकति संचय गरिराखेको पनि परजनहरुले ठगी वा खोसी खाइदिनेछन् ।
• अरुको छ: प्रकारको प्रयोगद्धारा मरण हुनेछ ।
• आफ्ना अति नै प्रिय भइराखेका स्वास्नी र छोरा-छोरीहरुसंग अलग भइ बस्नुपर्नेछ ।
• आमाको गर्भमै बसी मरण हुनुपर्नेछ ।
• जन्म भएको नौ दश वर्षभित्रमा मरण हुनुपर्नेछ । |
- परधन चोरिँदाका सातवटा विपाक
• मरेपछि नरक, प्रेत, तिर्यक र असुर अपाय चारवटा दुर्गतिमध्ये एउटामा परी ठूलो दु:ख कष्ट भोग्नुपर्नेछ ।
• मनुष्य भएर जन्मँदा पनि दरिद्र दु:खी भई बस्नुपर्नेछ ।
• अति नै दु:ख कष्ट भोगी दुई चार पैसा कमाइराखेको धन पनि स्थिर हुँदैन ।
• दुई चार पैसा पनि अति नै दु:ख कष्ट भोगेर मात्र प्राप्त गर्न सकिनेछ ।
• राजा, पानी, आगो, चोर र शत्रुबाट भय उत्पन्न हुनेछ ।
• संसारमा जातमध्ये नीच जात भएका कुलमा जन्म लिई दु:ख कष्ट भोग्नुपर्नेछ ।
• खाने, पिउने केही नभई भिखारी बनी भिक्षा मागी खानुपर्नेछ । |
- व्यभिचार गर्दाका सातवटा विपाक
• मरणपछि नरक, प्रेत, तिर्यक र अपाय चारवटा दुर्गतिमध्ये एउटामा परी धेरै समयसम्म ठूलो दु:ख भोग्नुपर्नेछ ।
• धेरै प्राणीहरुका शत्रु भई बस्नुपर्नेछ ।
• धेरै मानिसहरुबाट मन नपराई अप्रिय भई बस्नुपर्नेछ ।
• परजनहरुबाट खाने, पिउने, लाउने नपाई त्यसै बस्नुपर्नेछ ।
• सुखपूर्वक सुत्न पाइनेछैन ।
• सुखपूर्वक उठ्न पाइनेछैन ।
• नपुंसक भई जन्म लिनुपर्नेछ । |
- असत्य कुरा गर्दाका सातवटा विपाक
• मरणपछि नरक, प्रेत, तिर्यक र अपाय चारवटा दुर्गतिमध्ये एउटामा परी अति नै दु:ख कष्ट भोग्नुपर्नेछ ।
• नरकबाट मुक्त भई मनुष्य भई जन्मेता पनि नीच कुलमा जन्म भई विरुप हुनुपर्नेछ ।
• लाटो बक नफुट्ने भई जन्म लिनुपर्नेछ ।
• दाँतको पंक्ति बाङ्गो टिङ्गो परी प्रष्टरुपमा कुरा गर्न नसकिने हुनेछ ।
• शरीर अति मोटो तथा अति पातलो अथवा अति भद्दा र पुड्को भई जन्म लिनुपर्नेछ ।
• अति नै दुर्गन्धित शरीर हुनेछ ।
• आफूले गरेको पराजनहरुद्धारा सुन्नमा मन लगाइने छैन । |
- सुरापन गर्दाका बीसवटा विपाक
• मरणपछि नरक, प्रेत, तिर्यक र अपाय चारवटा दुर्गतिमध्ये एउटामा परी ठूलो दु:ख कष्ट भोग्नुपर्नेछ ।
• नरकबाट मुक्त भई मनुष्यलोकमा जन्म हुन आएतापनि हेतुफललाई केही नबुझी ज्ञानबुद्धिहीन भई जन्मनुपर्नेछ ।
• ज्ञान बुद्धि नभएका मूर्खहरुसँग सत्संगत गर्नुपर्नेछ ।
• सधैं स्मृति विहीन भई बस्नुपर्नेछ ।
• सधैं अलसी भई बस्नुपर्नेछ ।
• सधैं मूर्ख बदमास भई बस्नुपर्नेछ ।
• जहाँ जहाँ जन्म हुन्छ त्यहाँ त्यहाँ बहुलाउनुपर्नेछ ।
• समाधि नभएको (चित्तस्थिर नभएको) भई मनुष्यगति नाश भई बस्नुपर्नेछ ।
• अति द्धेषी र अति क्रोधी भई जन्मनुपर्नेछ ।
• हात खुट्टा शरीर सुन्निएर अति नै गह्रौं शरीर भई बस्नुपर्नेछ ।
• राजा, पानी, आगो, चोर र शत्रुबाट भयभीत भई बस्नुपर्नेछ ।
• बांगो मन, ईर्ष्यालु चित्त भई जन्मनुपर्नेछ ।
• असत्य कुरा गर्ने हुनेछ ।
• अरुलाई चुग्ली गर्ने हुनेछ ।
• परउपकारलाई नचिन्ने हुनेछ ।
• दान गर्न नजान्ने, शील पालन गर्न नजान्ने भई जन्मनुपर्नेछ ।
• पाप गर्नमा लज्जा नभएको र पापदेखि नडराउने हुनेछ ।
• सम्यक् मार्ग नदेखी मिथ्यादृष्टिक हुनेछ ।
• उपकार हुने काममा बुद्धि भ्रष्ट भई बस्नुपर्नेछ ।
• दुष्ट र नीच कर्म गर्ने हुनेछ । |
